Á meðan barnið sefur ...

... hangir mamman á netinu. Ætlaði að vera voða dugleg og vinna að hópverkefninu sem ég er að gera fyrir skólann. En það er nú einu sinni þannig að þegar maður situr fyrir framan tölvuna og er búinn að vera duglegur í smá stund og skrifa meira að segja nokkur orð á blað (eða skjá) þá fer hugurinn að reika. Svo sveimar maður á milli vefsíðna til þess að komast að því að maður er ekki að missa af neinu merkilegu (en ýmsu ómerkilegu). Ég held að ég þyrfti bara að prenta út greinina sem ég er að vinna með og slökkva á tölvunni svo að netheimar freisti ekki á meðan ég ætla að vera að læra. Á bara engan pappír til að prenta á! Já, ég veit þetta er léleg afsökun en hún gildir samt í dag. Svo finn ég nýja afsökun þegar ég er búin að kaupa pappír.