Óstuð

Ég verð að viðurkenna að ég er ekkert í neitt svakalegu stuði þessa dagana. Þá er ég ekki að meina að ég sé í eitthvað vondu skapi heldur vantar upp á allt "skólastuð". Það er svoleiðis mergðin af verkefnum sem ég þarf að vera að vinna í, bæði í hópum og ein, en einhverra hluta vegna kem ég mér engan veginn í gang. Sit bara og stari á lesefnið eða tölvuskjáinn, skrifa kannski örfá orð í mesta lagi. Þetta er náttúrulega alls ekki nógu gott og slæm nýting á þeim takmarkaða tíma sem ég hef á milli fyrirlestra á meðan Atli er í leikskólanum. Ég þarf spark í rassinn.