Það er sunnudagsmorgunn ...

... og Ragnheiður vaknaði klukkan átta. Og í þetta skiptið ekki af því hún þurfti að mæta í vinnu. Ég er greinilega orðin óhæf til útsofelsis. Finnst það reyndar bara fínt. Fátt betra en að dútla sér á morgnana, lesa blöðin í rólegheitum og njóta kyrrðarinnar. Það væri auðvitað mjög gáfulegt af mér að nýta þennan tíma í að vinna eitthvað af þeim verkefnum sem ég þykist ætla að skila fyrir páska. Er bara ekki alveg komin í gírinn og þykist vera að spara kraftana þangað til Bókhlaðan opnar en þangað ætla ég að fara og rúlla þessum verkefnum upp. Bókhlaðan opnar reyndar ekki fyrr en klukkan 13 svo batteríin ættu að vera mjög vel hlaðin þegar ég mæti þangað.