Manndómsvígsla Andra

Andri var tekinn í hina endanlegu manndómsvígslu af tengdaföður sínum tilvonandi í gær. Þannig er mál með vexti að Andri hefur alltaf fengið af og til heiftarlega verki í kringum einn endajaxlinn sinn. Pabbi hefur nú fylgst náið með þessu og potað í þetta og byrjaði manndómsvígsluna einhvern tíma í fyrra með því að brenna burt góðan part úr holdinu í kringum jaxlinn. Um daginn tóku þessir verkir sig upp aftur og Andri búinn að kvarta og kveina svo að kallinn hóaði bara í drenginn og dró úr honum endajaxlinn í gær. Þá kom sér nú vel að Andri hafði farið að veiða í gærmorgun og fékk einn urriða sem var í matinn svo það var a.m.k. ekkert seigt undir tönn í kvöldmat.