Ha! Er sumar?

Ég er voða hrædd um að sumarið verði aaaalltof fljótt að líða. Ekki nóg með að nú sé kominn júlí heldur er komið að annarri helginni í júlí! Og mér finnst sumarið varla vera byrjað. Það stafar kannski af því að þegar maður var í skóla þá varð alltaf einhver breyting hjá manni um leið og sumarið byrjaði, þ.e. maður hætti að vera í skóla og fór að vinna. Svo vissi maður að haustið var komið þegar maður hætti að vinna og fór aftur í skólann. Nú hætti ég reyndar í skóla í vor en vann alveg jafnmikið svo breytingin er sennilega ekki nógu mikil til að ég fatti að það er komið sumar. Eeeennnn ... ég er ekki enn farin í sumarfrí svo að kannski fatta ég þetta allt saman þá. Verst að þá verður svo langt liðið á sumarið að ég verð líka að fatta að það er að verða búið.